Farhan Akhtar Caught kissing a foreigner in Bhaag Milkha Bhaag

Rakeysh Omprakash Mehra ki upcoming film "Bhaag Milkha Bhaag" ka naya still release hua hai, jismai Farhan Akhtar jo Milka Singh ka role nibha rehai, ek foreigner ko pool side pe kiss karte hua dikaye geye hai. Isse ye pata chalta hai ki, na sirf ye film Milka Singh ke career pe based hai balki ye film mai unki personal life bhi darshayi geyi hai. 

"Bhaag Milka Bhaag" ek biographical film hai jo former Indian athlete Milkha Singh, jinhe The Flying Sikh ke naam se bhi jana jata hai, pe banayi hui. Film ko direct Rakeysh Omprakash Mehra ne kiya hai aur isski script likkhi hai Prasoon Joshi ne. Film ke main lead mai Farhan Akhtar aur Sonam Kapoor ko cast kiya hai. Milka Singh iss film ke making mai personal interest le rehai hai. Yehan tak ki unhone ye film ke rights sirf Rs. 1 pe beche hai. Iss film ki kamayi ka kush hissa financially poor athletes ke welfare mai use kiya jayega. 

Film 12 July ko theatres mai release hogi.

Aamir khan & Salman khan in Andaz Apna Apna Sequel

"Andaz Apna Apna" ke sequel ki shooting December 2013 mai start ho jaye gi. Rajkumar Santoshi, jisne ye film 1994 mai direct ki thi, vo hi usski sequel bhi direct kerenge. 

Unka ye kehna hai ki jabse Andaz Apna Apna hit hui thi tabse log unnhe humesha poochete the ki isske sequel kab banegi. Aab jab Bollywood mai kafi sare remakes aur sequels ban rehein hai yehi sahi waqt hai Andaz Apna Apna ke sequel ko floor pe lane ka. Jab ye film 1994 mai release hui thi tub vo itni nahi chali thi, lekin kuch hafto ke shows ke baad usse box office success mila. Aamir Khan aur Salman Khan ki super comic timing aur excellent performance ne logon ko deewana bana diya. 

Vijay Kumar Sinha is film ko produce kar rehein hai. Unki yeh koshih hai ki film ke original actors - Aamir aur Salman ko fir se iss film ke liye saath mai laya jaye. Vijay Kumar ne recently ye khaha ki vo Aamir aur Salman ke saath ye project discuss kerenge. Agar kuch workout nahi hua to dusre koi actors koi sign kerenge. 

Let's hope ki sub kuch workout ho jaye, after all hum bhi Aamir aur Salman ko vapis saath mai dekhna chahte hai.